Nemendur vinna saman við að hanna og prófa kúlurennur sem festast á glugga eða tússtöflu. Þau kanna hvernig halli, röð og form rennunnar breytir ferð kúlunnar. Hópar prófa → laga → prófa aftur.

Nemendur skoða hvernig ljós myndar mismunandi mynstur og skugga. Þeir prófa að færa ljósgjafa til, nota mismunandi form og breyta fjarlægð til að sjá hvernig skuggarnir breytast.

Nemendur vinna saman í litlum hópum og byggja turna, hús, brýr eða önnur mannvirki með kubbum. Þau kanna hvernig seglar virka, prófa stöðugleika og styrk bygginga og læra að breyta og bæta hönnunina í gegnum leik.

Börn vinna saman í litlum hópum til að hjálpa músinni að finna ostinn. Þau forrita músina með því að raða forritunarkortum í rétta röð, og ýta síðan á skipunartakka á músinni, prófa og laga leiðina ef hún fer vitlaust.

Nemendur skoða náttúrulegan efnivið með stækkunargleri og uppgötva litbrigði, mynstur, áferð og form sem sjást ekki með berum augum.

Nemendur vinna í litlum hópum að því að hanna, forrita og prófa leið fyrir Botley 2.0. Þeir skipuleggja leiðina, raða skipunum, prófa keyrslu og endurforrita ef Botley fer ranga leið. Áhersla er á rökhugsun, reiknihugsun, samvinnu og að greina villur.

Nemendur vinna í litlum hópum að því að byggja lausn með ákveðinn tilgang, t.d. byggingu, rými eða form sem þarf að standa, tengjast eða virka á ákveðinn hátt. Áhersla er á rýmisskyn, lausnaleit, samvinnu og verkfræðilega hugsun

Nemendur vinna í litlum hópum. Þeir skissa hugmynd, byggja með ERONE og prófa sig áfram. Lausnin er breytt og endurbætt eftir því sem þarf. Áhersla er á ferlið, ekki endanlega niðurstöðu.

Nemendur vinna í litlum hópum að því að nota mynsturspjöld og rúmfræðilíkön sem viðmið til að finna form og mynstur í umhverfinu. Þeir bera saman það sem þeir sjá, finna líkindi og mun og ræða sameiginlega athuganir sínar. Áhersla er á athugun, samanburð og samtal, ekki eitt rétt svar.

Nemendur vinna í litlum hópum að því að hanna og prófa kúlurennur úr einföldum efnivið.

Þeir breyta halla, leið og kúlum, prófa aftur og bera saman niðurstöður.

Nemendur vinna í litlum hópum að því að tengja hluti úr umhverfinu við Makey Makey. Þeir prófa mismunandi efni, bera saman hvað leiðir rafmagn og ræða niðurstöður.

Áhersla er á orsök og afleiðingu, samanburð og endurbætur, ekki eina rétta lausn.

Nemendur vinna í litlum hópum að því að bera saman brot með spilum. Þeir draga spil, bera saman brotin og ræða saman hvaða brot er stærra og hvernig þeir vita það.

Áhersla er á samanburð, samvinnu og rökstuðning, ekki eina rétta lausn.

Nemendur vinna í hópum að því að hanna og smíða einfalt snertitæki með Makey Makey. Þeir velja hugmynd (t.d. leik, hljóðfæri eða stýringu), tengja efni, prófa lausnir og bæta þær út frá niðurstöðum.

Áhersla er á hönnun, prófanir og rökstuðning.

Nemendur prófa sýndarveruleika (VR) með efni sem sýnir raunverulegar aðstæður úr vísindaleiðöngrum. Þeir upplifa umhverfi, dýr og rannsóknir og ræða hvað þeir sjá, hvernig upplifunin er frábrugðin raunveruleikanum og hvaða hlutverki tæknin gegnir.

Áhersla er á upplifun, greiningu og tengingu við raunveruleg viðfangsefni.