• STEM Ísland á rætur í uppbyggingu fyrsta STEM námsvistkerfisins á Íslandi, STEM Húsavík, sem hófst vorið 2022. Sú vinna sýndi skýrt hversu mikil tækifæri felast í því að tengja saman skóla, samfélag, atvinnulíf, stofnanir og fjölskyldur í kringum sameiginlega framtíðarsýn um eflingu STEM menntunar.

    STEM Ísland var stofnað í nóvember 2022, (formlega janúar 2023) til að styðja við áframhaldandi þróun STEM námsvistkerfa á Íslandi, miðla þekkingu og tengja íslenskt starf við alþjóðlega aðferðafræði og samstarf.

  • Hlutverk STEM Ísland er að efla STEM menntun á Íslandi með því að styðja við samhæfingu, samstarf og stuðla að uppbyggingu STEM námsvistkerfa um land allt.

    Við tengjum saman skóla, sveitarfélög, háskóla, atvinnulíf, stofnanir, félagasamtök og samfélög til að skapa fleiri tækifæri fyrir börn og ungmenni til að kynnast vísindum, tækni, verkfræði, stærðfræði og skapandi lausnaleit í raunverulegu samhengi.

  • Framtíðarsýn STEM Ísland er að öll börn og ungmenni á Íslandi hafi aðgang að lifandi, inngildandi og framtíðarmiðaðri STEM menntun, óháð búsetu, bakgrunni eða aðstæðum.

    Við sjáum fyrir okkur Ísland þar sem menntun er samfélagslegt verkefni; þar sem skólar, fjölskyldur, atvinnulíf, stofnanir og samfélög vinna saman að því að efla forvitni, sköpunarkraft, vísindalæsi og færni til að takast á við áskoranir framtíðarinnar.

STEM Ísland er leiðandi þróunar- og samstarfsvettvangur fyrir eflingu STEM menntunar á Íslandi.
Stofnað 2023 byggir það á alþjóðlegri aðferðafræði STEM Learning Ecosystems, með áherslu á samhæfingu, samstarf og uppbyggingu STEM námsvistkerfa.

STEM Learning Ecosystems aðferðafræðin byggir á því að tengja saman skóla, samfélög, háskóla, atvinnulíf, stofnanir og aðra hagaðila í kringum sameiginlega framtíðarsýn: að efla áhuga, þátttöku og læsi á sviði vísinda, tækni, verkfræði, stærðfræði og skapandi lausnaleitar.

Með vistkerfisnálguninni er lögð áhersla á að nám eigi sér ekki aðeins stað innan hefðbundinna skólastofnana, heldur einnig í samfélaginu, í náttúrunni, í fjölskyldum, á vinnustöðum og í gegnum raunveruleg viðfangsefni.

Markmið STEM Ísland er að styðja við samhæfingu, þekkingarmiðlun og þróun aðgerða sem efla STEM menntun, STEM-læsi og færni fyrir framtíðina, með sérstakri áherslu á samstarf, inngildingu, nýsköpun og samfélagslega þátttöku.

Teymi STEM Íslands

  • Huld Hafliðadóttir

    STOFNANDI

    Önnur af stofnendum STEM Íslands. Frumkvöðull og driffjöður í eflingu samfélagsmiðaðs STEM náms á Íslandi með áherslu á jöfn tækifæri, nýsköpun og stuðning við kennara. Forstöðukona STEM Húsavík.

  • Martin Swift

    LÆRT SAMFÉLAG

    Verkefnastjóri hjá VoN og Menntavísindasviði HÍ. Leiðandi í eflingu STEM menntunar á Íslandi. Situr í stjórn SamSTEM. Með alþjóðlega reynslu og sýn tengir hann íslenskt skólaumhverfi við nýjustu aðferðir og þróun í STEM menntun.

  • Guðrún Matthildur

    ALHEIMUR VÍSINDASETUR

    Líffræðingur og frumkvöðull með brennandi áhuga á nýsköpun, málefnum barna og STEM menntun á Íslandi. Vinnur að því að opna gagnvirt vísindasetur á Íslandi.

  • Sigurjón Sveinsson

    STJÓRNARMAÐUR

    Lögfræðingur og ráðgjafi. Hefur setið í stjórn STEM Íslands frá upphafi. Styður starfsemina með faglegri yfirsýn, stefnumótun og sterkum bakhjörlum.

  • Signý Óskarsdóttir

    STEAM BORGARBYGGÐ

    Stofnandi og framkvæmdastjóri Creatrix og doktorsnemi í menntavísindum. Hún hefur starfað sem stjórnandi og kennari á þremur skólastigum og var leiðandi í innleiðingu STEAM í námskrá Menntaskóla Borgarfjarðar. Forstöðukona STEAM Borgarbyggð.

STEM Ísland vinnur í nánu samstarfi við Menntavísindasvið Háskóla Íslands og sem hluti af öflugu teymi Nýmenntar.

Upphafið

STEM Ísland var stofnað í janúar 2023 af Huld Hafliðdóttur, frumkvöðli og verkefnastjóra og Bridget Burger Fulbright sérfræðingi í STEM menntun í kjölfar pilot verkefnisins STEM Húsavík.

STEM Ísland er regnhlífarstofnun fyrir samfélagsmiðuð STEM og STEAM námsvistkerfi á Íslandi.

Hafðu samband!

Viltu vinna með okkur?

Hefurðu áhuga á að fá STEM námsvistkerfi í samfélagið þitt?

Hafðu samband!

Við hlökkum til að heyra frá þér!